Urteari errepasoa patronatu bileran
2025.12.04
Jose Miguel de Barandiaran Fundazioaren patronatuak 2025ko azken patronatu bilera egin du abenduaren 3an, urteari errepasoa emanez.
Patronokide gehienek online jarraitu dute Jose Miguel de Barandiaran Fundazioaren urteko azken bilera; Ataungo Sara Etxean izan dira, aldiz, Eusko Ikaskuntzaren ordezkariak.
Urtean zehar eginikoak errepasatu dituzte denen artean, fundazioak izandako presentzia instituzionalaz hitz egin da, baita Eusko Folklore Urtekariaren zenbaki berria izango denari buruz zein Barandiaran Katedrarekin dagoen harremanaz ere, beste gai askoren artean.
Etorkizuneko erronka txiki zein handiei begira itxi dute bilera fundazioa osatzen duten kideek.