• slider33.jpg


Juan Garmendia Larrañagaren azken lana aurkeztu dute

Ekainaren 11n aurkeztu zuten Tolosako Topic zentroan Juan Garmendia Larrañagaren Manuel Jose de Zavala, Conde de Villafuertes. Disposiciones testamentarias, 1831-1842 izeneko liburua. 2015eko urtarrilean zendu zen etnografo gipuzkoarra, eta bere azken lana aurkezteaz gain, merezitako omenaldia egiteko aprobetxatu zuten bertaratutakoek.  

Josemari Velez de Mendizabal aurkezpeneko une batetan (Argazkia: Iñaki Lopetegi)

Aurkezpenean parte hartu zuten Tolosako alkate Ibai Iriartek, Deustuko Unibertsitateko irakasle Asun Urzainkik, Ander Letamendia mediku eta Juan Garmendiaren lagunak eta Jose Miguel de Barandiaran Fundazioko Lehendakari Josemari Velez de Mendizabalek.

Azken honek urte luzez lagun izan zuen eta Fundazioko batzorde kide eta kolaboratzaile estua izan zen Juan Garmendia Larrañagaren gaineko oroitzapenak kontatu zituen Juan Garmendia Larrañaga. Etnografoa (Baina lehenago gizona izan zen) hitzaldian.

Tolosarraren izaera goraipatu zuen Velez de Mendizabalek eta besteak beste, On Jose Migel Barandiaranekin izaniko harremana ekarri zuen gogora, bai eta Juan Garmendiaren umoreaz zein lan egiteko zuen moduaz jardun zuen.

Hemen, hitzaldia osorik 

 

"Goierritar zaharrenen bila": Usategiko kobazulora ibilaldi gidatua

Atauniker kultur elkarteak Goierritar zaharrenen bila (eta inguruko landare dibertsitatea) izeneko mendi ibilaldia antolatu du Usategiko kobazulora, Jose Migel Barandiaranen 125. urteurrenaren harira. Apirilaren 18an, larunbata, izango da ekimena, 09:00etan hasita.

Jose Migel Barandiaranek harreman zuzena izan zuen kobazuloarekin: "1970 aldera Usategin (Aralarko Parke Naturala) egindako indusketa arkeologikoan orein adartzaz egindako azagaia isturiztarra (lantzapunta baten antzekoa) jaso zuen bertatik". 

"José Miguel de Barandiaran y Julio Caro Baroja, dos nombres para el estudio de la cultura vasca" hitzaldia

Martxoaren 10ean, arratsaldeko 19:30etan, Nafarroako Museoan, Asier Barandiaran Amarika irakaslea (UPV-EHU), "José Miguel de Barandiaran y Julio Caro Baroja, dos nombres para el estudio de la cultura vasca" hitzaldia emango du.


Hitzaldi hau, "Navarra en la mira de Julio Caro Baroja" inguruan programatutako hitzaldien barruan doa. Nafarroko Etnologia Museoak antolatzen du, Jose Miguel de Barandiaran Fundazioaren lankidetzarekin. 

Nafarroako Museoa: Cuesta de Santo Domingo 47. Iruñea.

 

125 urtemuga. Hitzaldi Zikloa

Jose Migel Barandiaranen jaiotzaren 125. urteurrena dela-eta, Bizkaiko Foru Aldundiak eta Jose Miguel de Barandiaran Fundazioak egitarau bat prestatu dute, eta bertan sakondu eta eztabaidatuko da Barandiaranek eginiko lana eta egungo ikerketetan izandako eragina. 

Ostegun honetan, otsailaren 12an, arratsaldeko 19:00etan, hirugarren hitzaldia izango da: 

"Paleolito garaiko artea Euskal Herrian Jose Miguel de Barandiaranen ondoren: ikuspegi eguneratua. Diego Garate Maidagan (Arkeologi Museoa-Museoa Arqueológico de Bizkaia)

Informazio gehiago

 

Irakurketa gida

 “Julio Caro Baroja” Nafarroako Museo Etnologikoak irakurketa gida berria atera du. Azken hau Joxe Migel Barandiaranen (1889ko abenduaren 31) jaiotzaren 125 urteurrena ospatzeko da.

Irakurketa gida berri hau aurreko hilabeteetan proposaturikoen jarraipena da, Antxon Aguirre Sorondoren eta Julio Caro Barojaren irakurketa gidak, eta amaiera ematen die Oroitzapenezko irakuketa gidei

Gida irakurtzeko hemen: Joxe Migel Barandiaran