• slider33.jpg


“Europa, Barandiaran eta baloreak” mahai-inguru zikloa, Barandiaranen heriotzaren 25. urteurrenean

Urriaren 20an, osteguna, Gasteizen emango dio hasiera Jose Miguel de  Barandiaran Fundazioak “Europa, Barandiaran eta baloreak” mahai-ingurua zikloari. Hain zuzen ere, 2016an Jose Miguel Barandiaran hil zela 25 urte betetzen dira eta abenduaren 21era bitarteko egitaraua antolatu du Fundazioak.

Lehenengo hitzordua Gasteizen izango da, urriaren 20an 19:30ean hasita Vital Fundazioa Aretoan (Dendaraba). Mahaiaren bueltan eseriko dira Argitxu Camus, Asier Barandiaran, Gaspar Martinez eta Ixone Fernandez de Labastida, eta honako gaiak izango dituzte ahotan, hurrenez hurren: Barandiaran eta Europa; Barandiaranen baloreak gaur egungo gizartean; Barandiaran: zientzia eta fedea; Barandiaran eta euskal gizartea.  

Mahai-inguruak errepikatu egingo dira abenduaren 15a bitartean gainerako euskal hiriburuetan: azaroak 3 (Bilbo); azaroak 17 (Donostia); abenduak 1 (Iruñea); abenduak 15 (Baiona). Guztiak 19:00etatik aurrera izango dira. 

Amaitzeko, abenduaren 21ean, hau da, Jose Miguel Barandiaran hil zen egunean bertan, itxiera ekitaldia egingo du Fundazioak Ataunen, hain zuzen Barandiaran bera bizi izan zen Sara Etxean. Bertan izango dira, besteak beste, Fundazioaren Patronatua osatzen duten erakundeetako ordezkariak.